Анатоль Вярцінскі — Шкада мне вас

Анатоль Вярцінскі

Што я скажу вам у адказ?
Шкада мне вас.
 
Шкада мне вас, зласлівых, мітуслівых,
зайздрослівых і, значыць, нешчаслівых.
Бо, як вядома, каб шчаслівым быць,
быць трэба добрым і дабро рабіць.
 
Шкада мне вас, сябелюбівых, хцівых,
карыслівых і, значыць, нешчаслівых.
Бо, як вядома, каб шчаслівым быць,
патрэба не сябе — другіх любіць.
 
Каго вы любіце? Хто любіць вас?
Шкада мне вас. Вось мой адказ.
 
1981

Сказать спасибо
( Пока оценок нет )
Переслать в:
Кapoткi змecт твораў | Краткое содержание произведений
Добавить комментарий