Нашы азёры

Пераказы

   Амаль усе нашы азёры, асабліва на поўначы Беларусі, падараваў нам ледавік, які ссунуўся на нашу зямлю са Скандынавіі і растаў у нас.
   Пяць абледзяненняў было на тэрыторыі Беларусі. Першае, самае старажытнае абледзяненне, адбылося шэсцьсот тысяч гадоў назад і доўжылася аж сорак тысяч гадоў. Апошняе, самае халоднае, вельмі паўплывала на наш сучасны рэльеф.
   Катлаваны беларускіх азёр найчасцей ледавіковага паходжання. Растаў лёд паміж марэннымі градамі, і ўтварыліся наступныя запрудныя азёры: Нарач, Асвейскае, Дрысвяты. Вадаспадам сцякала з ледавіка вада ў вертыкальныя шчыліны, вымываючы невялікія, але глыбокія катлаваны. I там наліліся азёры.
   Браслаўскія азёры самыя прыгожыя. Іх у нас называюць блакітнымі каралямі Беларусі. Самым вялікім з’яўляецца возера Нарач. Нездарма ж мы яго называем сваім морам. I тут жа дадаём: «Нарач – дзіця акіяна». I яно зразумела, бо нам вельмі хочацца мець свой акіян, хоць вось такім чынам далучыцца да яго.
(138 слоў)

Паводле Я. Сіпакова.

Оцените содержание
( Пока оценок нет )
Не жмись, поделитесь с друзьями, одноклассниками! Да пребудет с тобой сила Джедая.
Кapoткi змecт твораў | Краткое содержание произведений
Добавить комментарий