Васіль Вітка — Вялікдзень

Васіль Вітка

Траўка брацца пачала,
У імшанніку пчала
Прачнулася і гудзе:
– Хутка ўжо Вялікі Дзень!

А людзі між сабою
Пацяшаюцца вярбою.
Ніхто нікога не міне –
Ні цябе, ні мяне.

І мяне, і цябе
Кожны дубцом сцебане:
– Б’ю не я, вярба б’е,
За тыдзень – Вялікдзень!

– І ты, родны народ,
Будзь здароў на ўвесь год!

Сказать спасибо
( 5 оценок, среднее 3.4 из 5 )
Переслать в:
Кapoткi змecт твораў | Краткое содержание произведений
Добавить комментарий