Вера Вярба — Гусі клічуць у вырай

Вера Вярба

Гусі клічуць у вырай,
I туманы на беразе,
Нізка вербы старыя
Нахіліліся ў верасні.

Дзе ты, лета, з уцехамі,
Ягад кошыкі поўныя…
Загарэўся пад стрэхамі
Клён, шугаючы полымем.

Гульні ўспомніш у верасні
Ты гадзінаю вольнаю.
Клічуць, клічуць наперадзе
Дні цікавыя школьныя.

Сказать спасибо
( 1 оценка, среднее 2 из 5 )
Переслать в:
Кapoткi змecт твораў | Краткое содержание произведений
Добавить комментарий