Янка Сіпакоў — Мова

Янка Сіпакоў

Бывае,

спатрэбіцца ўзімку

Промень, не злоўлены летам,
Бывае,

што мала пахаў

У моры травінак і красак,
Бывае,

не хопіць колераў

У вясновым квяцістым разліве,
Бывае,

так мала гукаў

Чуецца ў моры лесу,
Бывае,

не радуюць песні

Мора крылатага птушак –
Тады я іду да цябе,
Мой акіян вялікі,
У які ўсе моры ўпадаюць, –
Мая адзіная

мова!

 

Крыніца: Сіпакоў Я. Выбраныя творы. У 2 т. Т. 1. Паэзія/Прадм. Л. Ламекі. – Мн.: Маст. Літ., 1995. – 431 с.

Сказать спасибо
( Пока оценок нет )
Переслать в:
Кapoткi змecт твораў | Краткое содержание произведений
Добавить комментарий