Змітрок Бядуля — Мой скарб

Змітрок Бядуля

Мой скарб мацней жыцця і смерці,
Бяссмертны ён у смертным сэрцы.

Мой скарб блішчыць – мой скарб багаты,
Даступны ўсім – ён не закляты.

Мой скарб – ад зор, мой скарб – ад неба,
Мой скарб – ад гор, мой скарб – ад глебы.

У глыбі вод, у шэптах бору,
У шоўку траў, у птушках хоры.

У серабры вільготных росаў,
У харастве дзявочых косаў,

У марах-снах, у тайных муках,
У гусляроў на струнных гуках.

Сказать спасибо
( 1 оценка, среднее 5 из 5 )
Переслать в:
Кapoткi змecт твораў | Краткое содержание произведений