У аповесці "Найдорф" апісаны адзін з самых трагічных і гераічных момантаў вайны: перыяд, калі карнікі наступалі на партызанскія зоны, палілі вёскі, забівалі мірных жыхароў. Твор будуецца на кантрасце паміж вайной і мірным жыццём, пра якое часта ўспамінаюць героі. Гэты кантраст у творы пра вайну трактуецца як шчасце і страшная бяда. Найдорф — назва і беларускай, і нямецкай вёскі, адкуль родам адзін з палонных немцаў. Гэта сімвал таго новага жыцця, якое павінна наступіць пасля вайны, якое аплачана такой вялікай цаной.
