Раней за ўсіх устаў шафёр,
пабег да гаража.
Не любіць соннай цішыні,
гарачая душа!
Ён – неспакойны чалавек –
хацеў бы сто гадоў
цагліны цёплыя вазіць
для новых гарадоў.
Устане рана хлебапёк,
адчуе смачны пах,
і пойдзе жытні свежы хлеб
з румянцам на шчаках.
Па-свойму радуе маляр
прыроду і людзей:
прыносіць колеры вясны
вясёлы чарадзей.
Спытайся ў сонца і зямлі,
спытайся ў чыстых рэк:
– Хто пачынае новы дзень?
– Рабочы чалавек!
