Дакументальная аповесць Сяргея Грахоўскага «З воўчым білетам» апавядае пра вяртанне вязня пасля 10 гадоў зняволення на Радзіму. Атрымаўшы даведку («воўчы білет») аб вызваленні, ён, былы «вораг народа», з вялікай цяжкасцю ўладкоўваецца на працу. З такімі людзьмі нават баяліся размаўляць, узнаўляць знаёмствы. I на працягу трох гадоў ён адчуваў напружаную часовасць свайго існавання «з воўчым білетам» пад пільным наглядам нкусаўцаў, пакуль зноў не быў высланы «навечна» ў Сібір у 1949 годзе.
