На возеры вечар зялёны
Пад сонцам ідзе залатым;
Таполі, і ліпы, і клёны
У парку шумяць маладым.
На возеры лодкі-маторкі
I вёсел вясёлы усплёс;
Ўсміхнуліся першыя зоркі,
I вечар расінкі растрос.
А месяц рассыпаўся срэбрам
I свеціць з блакітнай гары;
На выспах — бярозкі, і вербы,
I песні вячэрняй зары.
Тут вербы схіляюцца нізка,
Калі ім паклоніцца госць.
Спявае на возеры Мінскім
Мая і твая маладосць.
1959
